لا تــعتــــــــــــذر. .؟

[عبدالله السلمي]

لاتعتذر مني على كل ماصار=ماللعذر بيني وبينك طريقه
مافيه داعي ياحبيبي للأعذار= مازال مانقوى المفارق دقيقه
أرواحنا متشابكه مثل الأشجار=وصدورنا مثل البحور العميقه
وأفكارنا تسمى على بعض الأفكار=نزعل ولاننسى العهود الوثيقه
مانقبل الغيبه ولا كشف الأسرار=كل المشاعر بالقلوب الرقيقه
مشوارنا في سكة الصدق مشوار=ونعزف على أوتار الصراحه موسيقه
ولاهمنا كاذب وخاين وغدار= كلٍ على كيفه يشجع فريقه
ياما أختلفنا مع بعض عدت أمرار= وياما على موقف نولع حريقه
وإذا أبتعدنا عن بعض عشره أمتار=نشوفها بعد الحساء عن غميقه

[العبيدي]

مرحبا والله ومسهلا يابو هذال

صح الله لسانك على هذه الرائعه

وهذا ما كنا نتوقع

يازين مرورك في العيد

واهداءك هذه الجزله وانت راعيها

تسلم لنا دوم

وكل عام وانتم بخير

[عبدالعزيز]

صــــح السانك ياعبداللــــــه

وعيدك مبارك


فعلاً انها رائعـــه وليست غريبه على عبدالله السلمي


لك الشكر على هذه القصيده


ننتظر جديدك كما اعتدنا عليه رائع بروعة شاعره


لك تحيتي ,,





,

[ابوهلا]

صح لساااااااانك يابو هذال والعيد عليك مبارك


هذا انت رائع بكل حالاتك



لازال قلبك خضر يابو هذال


قصيده جميله


لاعدمناك ولاعاد تبطي علينا






.

[ابو فيراس]

صح السانك

اخوي الغالي

ابوهذال

والله يعطيك العافيه

على القصيده الرائعه جداً

[ابوطلال الحليو]

مافيـه داعـي ياحبيبـي للأعـذار
مـازال مانقـوى المفـارق دقيقـه
أرواحنا متشابكـه مثـل الأشجـار
وصدورنا مثـل البحـور العميقـه

ابيات في قمة الجمال وتشبيه رائع صح لسانك وتسلم يمناك ياعبدالله السلمي

اخوك ابو طـــــــــلال

[عبدالله السلمي]

الاستاذ/ العبيدي

مشكور على مرورك يالغالي وكل عام وانتم بخير

[عبدالله السلمي]

الاخ الغالي/ أبو سعود

مرورك شرفني يالغالي


وكل عام وانتم بخير

[عبدالله السلمي]

الاستاذ/ أبو هلا

هلابك مليون وحج مبرور وذنب مغفور بحول الله


مرورك شرفني وكل عام وانتم بخير

[عبدالله السلمي]

الاخ العزيز/ أبو فيراس


مرورك شرفني يالغالي

كل عام وانتم بخير

[عبدالله السلمي]

الاخ العزيز / أبو طلال الحليو

شكراً على هذا المرور الرائع والعبارات العذبه


كل عام وانتم بخير