قصيدة غزلية للشاعر \ علي الجعيلان الزعبي

[المتروكي]

السلام عليكم ..

هذي قصيدة للشاعر الدكتور \ علي الجعيلان الزعبي ..
وهو من ابرز شعراء الكويت في فترة الثمانينات ... ومن مؤسسين مجلة المختلف الشعرية ..
ولكن غاب عن الساحة الشعبية لظروف الدراسة في الخارج ..
وهو الان يعمل دكتور هيئة التدريس في جامعة الكويت ..
هناك من يقول انه سيرجع الى الساحة الشعبية .. وطبعا الشيء هذا نتمناه لما يتمتع به هذا الشاعر من احساس شعري تفتقده الساحة الشعبيه في الوقت الحالي ..

نبذه بسيطة عن ما اعرفه عن علي الزعبي .. السموحة اذا قصرت ...
واترككم مع القصيدة ..


يحبك
يحبك من يبيع اللوم لكفوف الزعل ما شال=بقلبه للزعل سيف ن يسله لا نوى صدك
يحبك من كسر قلبه نهار لخطوتك ما قال=تعبت اهواك وش لي في طريقك وش لي بودك
يحبك من يحفظك سر في روحه عن العذال=يموت بداخله سر الغرام وماجرح سدك
يحبك من يعذرك في ظروفك لو غيابك طال=يحبك من عشق فوضاك في هزلك وفي جدك
يحبك من رضا بك جرح , غربة , لوعه وغربال=يحبك من ذكر اجمل ملامح عمره بخدك
يحبك من يكحل جفنه الضامي فرح وأطفال= يحبك من نثر شوقه وفا في جزرك ومدك
يحبك من شكى لك برد وروحه تحترق باللال=يحبك من عرق كفه الى من صافحت كفك
يحبك من يشيل بقلبه العاشق رضى ماشال= بقلبه للزعل سيف ن يسله لا نوى صدك
علي الزعبي



ملاحظة: نشرت هذه القصيدة في كتاب شعرا وشاعرات القرن العشرين .

اتمنى انها تنال اعجابكم ..

مع اطيب تحياتي ..

المتروكي ..

[صهيل الشوق]

يعطيك العافيه اخوي المتروكي وبالفعل قصيده كليماتها اكثر من روعة . . .

تحياتي لك . . .

[ابوهلا]

وتسلم يمينك على هالقصيدة



لاكن انا ماني مخليك وراك وراك بملاحضاتي:D


اخر بيت يالسنافي : يحبك من يشيل بقلبه العاشق رضى ماشال ** بقلبه ( للزعل ) سيف يسله لانوا صدك



للزعل وليس لزعب ترى الدكتور معي على التيلفون يعني التصحيح مئه بالمئه:rolleyes:


تقبل تحياتي

اخوك ابوهلااااااااااااااا

[مبارك الزعبي]

صح لسان الشاعر الدكتور علي .. ولاهنت يالمتروكي على نقلها لنا

وكمان :)







الله لا يهينك يابو هلا على التصحيح

[راعـي الـدهـمـا]

صح لسان الشاعر الدكتور : علي الزعبي

وسلمت يمينك اخوي المتروكي

ومشكور اخوي ابو هلا على التصحيح

ويعطيكم العافيه كلكم

اخوكم

راعــــي الدهـــما

[راعي العوجا]

ياجماعه انا ماقدرت اقراها

انعميت من نوع الكتابه :(

[المتروكي]

صهيل الشوق ..
ابو هلا ..
مبارك ..

مشكورين على الردود ..

ويا بو هلا شكله المنتدى خبص مخي .. من كثر ماهو مأثر علي حولت الزعل الى زعب يكفينا الشر ..

ودام علي معاك على الخط .. استسمحلي منه قوله خطأ مطبعي .. وتصير بأحسن النكات ..

وبلغه سلامي .. وقوله محتاجينك يا شاعرنا .. ترد للساحه .. لأنك تمثل كل زعبي ..

مشكور يا بو هلا دايم معاي على الخط ..

مع اطيب تحياتي ..

اخوكم \ المتروكي

[المتروكي]

مشكورين على الرد ..

راعي العوجا محتاج ---------> @@ نظارات :)

لقصيده واضحه لا بعد قعدت نص ساعه وانا انسق فيها :)

انشاءالله تقراها عدل يالامير :)

مع اطيب تحياتي ..

المتروكي ..