ياهل المنتدى حياااااكم

[الكاشف]

ياهل المنتدى يابادعين القوافي *** جيت ادور من الشعار راعي ثقافه

من يغني على طرقي ويسري بقافي *** ان خذ الكاس والا بشره بالوصافه

[مبارك الزعبي]

السلام عليكم .....


ارحب يالكاشف ... صح لسانك يالقرم ....

ننتظر الرد من الشعراء ....


تمنياتي للجميع بالتوفيق ..

[خيال زعب]

يا مرحبا فيك يا بن وافي*****يا كاسبين الطيب كلكم طيب وشهامة
أشهد أنك بالأشعار سنافي*****قلت قول(ن) ما أبغي فيه الملامة

[ابن عسكر]

سلام عليكم 00000
ياهل المنتدى يابادعين القوافي *** جيت ادور من الشعار راعي ثقافه

من يغني على طرقي ويسري بقافي *** ان خذ الكاس والا بشره بالوصافه

ياسلام عليك يابن وافي ... بدايه طيبه ... ولكن خيال رد بقاف ثاني 00 اما يصلح او يرد احد الشعراء الموجودين

يعطيكم العافيه جميع

[ابن عسكر]

يامرحبا بن وافي وانت رجالٍ وافي *** نبا نجيكم على حسب امور الضيافه

عسانا نبدا طاروقٍ وعلومه خفافي *** عسى النهايه على ماتمنى مشرافه

[العبيدي]

الاخ العزيز الكاشف

تحية لك من القلب

طاروق جميل نشكرك على رحابة صدرك

ونأمل من الاخوه اتقان الرد باتقان اللحن اولاً

وفقكم الله جميعاً

[خيال زعب]

أعذروني يا جماعة على الأبيات الركيكة
و لكن هذا أول و أخر محاولة شعرية بسبب صغر سني

[فهد بن سالم]

الاخ العزيز خيال زعب

محاولة جيدة

وانت توك ببداية الطريق

وحاول مرات عديدة حتى تجيد الرد

وعندما تكتب شي جديد اعرضه على واحد من الشعار الذي تثق فيه

وبنسمع لك قصائد وردود جيدة إن شاء الله

والله يوفقك

[خيال زعب]

مشكوووور يا فهد سالم
وجزاك الله مني ألف خير

[ذيب الحره]

الاخ الكاشف صبحك الله بالخير ودي اكمل معك القاف اذاسمحت انااشوف القاف لين الحين
يعتبرماراح شي منه حاولوا الاخوان خيال وابن عسكرومحاولتهم كانت جيده بس ماكانت على الوزن
اذا ودك تكمل القاف هذا ردي استلم


يامنادي نبانعطيك مغلاق شافي =فالثقافه تراناعنك ناخذمسافه
وكان مانته مصدق ياولدعم وافي= تضهرالحرفنه ويبن راع الحرافه