لقاء مع : محمد بن فهاد الرويبخ الزعبي

[مبارك الزعبي]

الســـــــلام علـــــــــيكم ...



قرأت في جريدة الرأي العام صباح يوم الجمعة لقاء مع الشاعر محمد الرويبخ ....

فأعجبتني قصيده قالها من خلال هذا اللقاء ... وهي نصيحه واحببت ان انقلها لكم ...

يقول :



يالعبد نفسك لزوم انك تحاسبها=مادامها وردة بالعمر لواجة
لابد يوم طويل ماتراقبها=ماراح فاتك وفعل الخير تحتاجة
واحذرك هرج النميمه لا تروجها=من قال بالناس قالوا فيه هراجة
ناس الى جيتها صكت حواجبها=وقلوبها داخل بالغيظ مزّاجة
عط النصيحه لمن يدري عواقبها=والا البهايم ترى مالي بهم حاجة
ورافق رجال تقدّر كل مطلبها=لوضدك الحمل كنك فوق هداجة
دنيا وسيعه ونمشي في مناكبها=نقضي بها حاجة ونصد عن حاجة
يقولها اللي بماضيها مجربها=عارف على الوقت مدخاله ومخراجة
يالله ياللي لدعوى ايوب جايبها=عبدك شكى لك ماصابه وما احتاجة
وارجع واقول المعاني لا تخربها=خلك على القافيه تمشي بمنهاجة
سق الركايب وشرقها وغربها=ترى الله اللي يعوض العبد بافراجة
ترى المنايا اللي مدت مخالبها=تدركك لوانت في صندوق من عاجة
وصلاة ربي عدد ماغاب غايبها=على نبي عرج به يوم معراجة


وسلامـــــــــتكم ... الشاعر :محمد بن فهاد الرويبخ الزعـــبي

[المعتصم بالله]

ونعم والله بشاعر وصح السانه

تسلم يمينك مبارك على نقل هذه القصيده التي تدل على مكارم الاخلاق والنصح الرائع من شاعر سخر ابياتها واتقن تسخيرها

فعلاً رائعه واختيار موفق منك


لك احترامي

[مبارك الزعبي]

يامرحبا المعتصم بالله ... صح بدنك ... يستاهل الشاعر ...

اشكر مرورك ...


تقبل تحياتي ..

[ابوهلا]

مرحبا تراحيب المطر يابو فالح لاهنت يالغالي علي ا هذه المشاركه والقصيده الرائعه والمليئه بالنصح والحكمه


واحذرك هرج النميمـه لا تروجهـا * * * من قال بالناس قالوا فيـه هراجـة


صدقت



عط النصيحه لمن يـدري عواقبهـا * * * والا البهايم ترى مالي بهـم حاجـة


عزالله




صح لسان الشاعر الكبير محمد فهاد الرويبخ ( ابو فهاد )



ونشكر الأخ الكريم سعود الديحاني على اجراء هذا اللقاء


وانشالله سنحاول نشر هذا اللقاء كاملا




لاهنت يامبارك


اسلم وسلم

[عطر المجالس]

مشكور يامبارك على هذه القصيده المميزه وصح لسان الشاعر محمد فهاد الرويبخ

[مبارك الزعبي]

مرحباااا مليوووون تدبل ملااااايين يابوهلااااا .....

صح بدنك .... ولا انت حق وواجب يابوهلااا ....


ونشكر سعود الديحاني على هذا اللقاء الجميل والفريد من نوعه ...

و اشكر مرورك ..


=============


ارحب ياعطر المجالس ... افرحتني بردك على الموضوع ...

والعفووو .... وهذا واجبنا ... صح بدنك ...


ولاهنت على مرورك ...



مبــــــــــــاركــ

[العبيدي]

ناس الى جيتهـا صكـت حواجبهـا * وقلوبهـا داخـل بالغيـظ مزّاجـة

يقول بديوي الوقداني

ناس ليا جيتها رفت حواجبها * بالضحك وقلوبها فيه الردى كالي

صح لسان الشاعر محمد فهاد

وتسلم يامبارك على نقل الجزلة

لا هنت

[فهد بن سالم]

شكرا لك يا مبارك الزعبي على نقل القصيدة

وصح لسان الشاعر :محمد بن فهاد الرويبخ الزعـــبي

الحقيقة انها قصيدة رائعة ولذلك اكررها هنا


يالعبد نفسك لزوم انك تحاسبها=مادامها وردة بالعمر لواجة
لابد يوم طويل ماتراقبها=ماراح فاتك وفعل الخير تحتاجة
واحذرك هرج النميمه لا تروجها=من قال بالناس قالوا فيه هراجة
ناس الى جيتها صكت حواجبها=وقلوبها داخل بالغيظ مزّاجة
عط النصيحه لمن يدري عواقبها=والا البهايم ترى مالي بهم حاجة
ورافق رجال تقدّر كل مطلبها=لوضدك الحمل كنك فوق هداجة
دنيا وسيعه ونمشي في مناكبها=نقضي بها حاجة ونصد عن حاجة
يقولها اللي بماضيها مجربها=عارف على الوقت مدخاله ومخراجة
يالله ياللي لدعوى ايوب جايبها=عبدك شكى لك ماصابه وما احتاجة
وارجع واقول المعاني لا تخربها=خلك على القافيه تمشي بمنهاجة
سق الركايب وشرقها وغربها=ترى الله اللي يعوض العبد بافراجة
ترى المنايا اللي مدت مخالبها=تدركك لوانت في صندوق من عاجة
وصلاة ربي عدد ماغاب غايبها=على نبي عرج به يوم معراجة


تقبل خالص التحية













.

[ابوطلال الحليو]

تسلم يامبارك ويسلم الشاعر محمد ونطمع منك في المزيد والشهر مبارك عليكم

تقبل تحياتي

[عبدالعزيز]

يعطيك العافيه يا ابو فالح ...

مشاركـــه طيبـــه ورائعـــه ..

وصح لسان الشاعر الكبير :محمد بن فهاد الرويبخ الزعـــبي ( ابو فهاد ) ..


تحيتي لك .


.

[مبارك الزعبي]

العبيـــــــدي

فهد بن سالم

ابو طلال الحليو

ابو سعــود


وانتوا سالمين .... ولاهنتوا على مروركم اللي اسعدني ...




تحياتي لكم ...

مبـــــــاركـ

[ماجد السلمي]

صح لسانك يا شاعرنا الكبير / محمد الرويبخ


الاخ العزيز / مبارك الزعبي


الف شكر علي النقل الرائع

[ابو فيراس]

الاخ العزيز/
مبارك الزعبي
صح السان الشاعر الكبير محمد بن فهاد
وتسلم يمينك على ادخال القصيده الئعه
وبيض الله وجهك
تقبل تحياتي