تكفون ياشعارنـا

[سعود بن مدلاج]

السلام عليكم ورحمة الله وبركاته


تحياتي لجميع الأعضاء والمشرفين والمراقبين في منتدانا العامر واعتذر من الجميع عن غيابي وذالك لأنشغالي


واهديلكم هذه القصيده واتمنى ان تنال على اعجابكم




تكفون ياشعارنا نقوة الجيــل "=" أهل البيوت اللي جديد نقشهــا

وش قولكم فمحرفين الأقاويــل "=" ناس مانعرف فرسهــا من حبشهــا

لو أن طعم المرّ مثل الشهاليــل "=" ماكان به نفس تزايد طفشهــا

يامكثر قلوب علينا مغاليــل "=" ســود القلوب اللي تضاحك خششهــا

وشلون تطمعنا قلال المحاصيــل "=" ناس من النعمه تكافخ ريشهـــا

هذا زمان الراس يضحك به الذيـــل "=" وعلى الحصان اليوم يضحك جحشهـــا

نصحت ساري الليل لايسري الليـــل "=" مير الغشيشه زاد فيها غششهــا

ماعاد يبغى العلم نشده وتحليــل"=" ولايشرب الجمــّــه سوى من غبشهـــا

وضحتها للشمس والجدي وسهيـــل "=" وبرق العبي طيرتها من عششهــا

انا لحالي والليال تهاويـــل "=" نوب تناوشني ونوب انتوشهــا

اقارع زحول الرجال الحلاحيـــل"=" اطرد سباع الغاب وادعس حنشهـــا

وان ماوقفتوا للّيال المقابيــل "=" ولاّ ترى كبدي تزايد عطشهــا

هذا كلام الصدق جمله وتفصيـــل "=" يهل البيوت اللي جديد نقشهـــا





وسلامتكم

واسف مره اخري على الأنقطاع

[العبيدي]

ماء شاء الله ما شاء الله


رائعة منك يارائع

صح الله لسانك راعي هذي ما ودنا يبطي علينا ياسعود


والله انها قصيدة جزله الله يعافيك



العبيدي

[الفهد]

السلام عليكم

وهذا الرد على قصيدة الشاعر الكبير : سعود بن على المدلاج

وانشاء الله ما نقدم الا اللي يرضيكم







لا قلت تكفا جاوبوك المشاكيل "=" اللي على الفزعه كثير ٍ شوشها

وانفوسهم ماهي على كفٍ ابخيل "=" من يوم شبو ما تغالو نعشها

فزعاتنا لا جاتكم كنها السيل "=" لا سيل الوديان واروى دبشها

وليا وقفنا يرجحن المكاييل "=" وانداوي عيونٍ كثيرٍ طمشها

بالشاعر اللي صاغ زين التماثيل "=" والا الفلو لامن تظايق دفشها

القلب يجزع لا حصل فالدهر ميل "=" والعين تدمع لا تطايح رمشها

لا صحت بالحيزا غدينا مهابيل "=" اما صلحت ولا نزود بلشها

ربعي متعبت المهار الحلاحيل "=" تبطش عدوٍ ناوين في بطشها

لك عزوةٍ مثل السيوف المصاقيل "=" كم جمجمة راسٍ شجيعٍ فقشها

يا سعود لا تجزع من الوقت بالحيل "=" ميز بلينها وميز حرشها

فالناس نجسينٍ وفيهم عواذيل "=" والنجس خلق الله بهرجه لكشها

والرجل يعرف لا نطق للرياجيل "=" ولا قلوب الناس محدٍ فتشها

ومن البشر سيد البشر عين الويل "=" ولوه دعى الله يمدي الله قرشها

لا تقول انا لحالي وشفت البهاذيل "=" معك الرجال اللي كثيرٍ شوشها




وسلامتكم وسامحونا على القصور ..

[ابوهلا]

السلام عليكم ورحمة الله وبركــــاته


مرحبا مرحبا مرحبا بالشاعر الجزل سعود بن مدلاج

شاعر مبدع وجزل بالمحاوره

وابداعك بالنضم لايقل ابداعا عن المحاوره



صح لسانك مليون ولايكفون

قصيده رائعه رائعه رائعه


ومعذور عن الغياب يابوعلي والله لايشغلنا وياك الا بالطاعه



لاعدمناك يالقرم


لك مني جزيل الأحترام والتقدير

[ابوهلا]

السلام عليكم ورحمة الله وبركاته


مرحبا مرحبا مرحبا يابو غنيم




والرجل يعرف لا نطق للرياجيل...ولا قلوب الناس محدٍ فتشهـا


صدقت


لا تقول انا لحالي وشفت البهاذيل...معك الرجال اللي كثيرٍ شوشها



كفوووووووو


رد جزل جزل جزل الله يبيض وجهك


لاعدمناك

تقبل مني جزيل الشكر والتقدير

[محمد مبارك الوافي]

السلام عليكم
مساكم الله بالخير جميعا وأتشرف بالحضور معكم وأنا زادني الشرف يوم دق علي أخوي سعود بن مدلاج وعلمني في قصيدته الأكثر من رائعه وأرجو المعذره من كتابتها متأخرا لعدم المعرفه بالانترنت وأشكر أخوي شنار والشعراء الذين ردو على القصيده وعلى فهد خصوصاً وقصيدته الطيبه والقايمين على هذا الموقع وشكراً .....
وإسمحولي ..





ياراكب اللي ماروَت ميّة النيل "=" ترعى بجيّان النفود ودششهـا

وضحا كما وضحا وأنا بالتماثيل "=" غديت إبن عدوان والحب نشها

أقرالها عمّا والإخلاص والفيل "=" أخاف من عين ٍ حسدها ربشها

منصاك رجلٍ بالقسى يذبح الحيل "=" ولاّ الرخى كلٍ شدوقه بهشها

ياسعود أنا قبلك لوتبي بهاذيل "=" كبدي تقل ذيب المساري نهشها

الحر في دربه كثير المحابيل "=" واللي زهاه الخام يحرق خيشها

أما الردي جت له سهود وتساهيل "=" قتيل نفسٍ مايدوّر نعشها

يقطع زمانٍ ذلل الذيب تذليل "=" أصبح مع الرعيان يرعى دبشها

إن كان صيدك يابن عمي غرابيل "=" لك عزوةٍ تبطش ولحدٍ بطشها

زعوب لاكثرت هروج السراميل "=" سيلٍ ليا صكت سدوده جرشها

قبيلةٍ ترقى العلا تنطح الويل "=" لاصار بالجنّه بليسٍ بلشها

العز عنهم ماخذوه الرياجيل "=" يوم الأصايل تنعرف من كدشها

والحين بـِـدّل صافي الوقت تبديل "=" وأشوف بقعا جت تعقد شوشها

الشهم تاه وضيّعته الدواليل "=" ولاّ الردي مرتاح ينفخ شيشهاوسلامتكــــــــ ـــــــم ..



.

[ابوهلا]

السلام عليكم ورحمة الله وبركاته


مرحبا مرحبا مرحبا بمحمد ابن مبارك الوافي والله يحييك بين اخوانك وعزوتك


رغم صغر سنك الا انك متمكن بنتظارك مستقبل شعري مميز ايها الفتى العشريني الله يحفضك





وضحا كما وضحا وأنا بالتماثيل
غديت إبن عدوان والحب نشها


ياسلام عليك


منصاك رجلٍ بالقسى يذبح الحيل
ولاّ الرخى كلٍ شدوقه بهشها


ونعم يستاهل ابو علي



العز عنهم ماخذوه الرياجيل
يوم الأصايل تنعرف من كدشها


لله درّك يامبدع


صح لسااااااااااااااانك صح لساااااااااااانك صح لسااااااااااااانك


جزل يابو مبارك جزل جزل جزل



تقبل مني كثيف الأحترام والتقدير

[عبدالعزيز]

http://bestanimations.com/Careers/Entertainment/Entertainment-02.gif
http://bestanimations.com/Careers/Entertainment/Entertainment-02.gif


هذا هو سعود من ابداع الى ابداع

صح السانك يا بو علي على هذه القصيده



ولا نستغرب الرد الرائع من ابو غنيم بأبيات لا تقل روعه

صح السانك يا ابو غنيم



وهذا هو محمد الوافي يكتب القصيده بكل ثقه وقوه

صح السانك رد رائع ووافي من محمد الوافي





لكم تحيتي جميعاً .





ــــــــــــــ
ـــــــــ
ــــ
ـ

[فهد بن سالم]

صح لسانك يا سعود بن مدلاج


بيض الله وجهك شاعر مبدع وجزل


وبيض الله وجيه شعارنا فهد بن غنيم ومحمد بن مبارك على ردودهم الجزله وماقصروا
















.

[عبدالله السلمي]

الله الله الله قصيده رائعه من شاعر ولا أروع كيف لا وهو العملاق/ سعود بن مدلاج
وردود وافيه وكافيه من الشعراء المبدعين
بيض الله وجوهكم بياض يشع مع كل ريع



(نجم الحره)

[محمد مبارك الوافي]

السلام عليكم ورحمة الله وبركاته ,,,

ارسل لكم قصيدة للشاعر / محمد فهد الوافي يرد بها على قصيدة الشاعر / سعود ابن مدلاج

واتمنى ان تنول على اعجابكم

يقول الشاعر / محمد فهد الوافي


ياللي تعزوى بزعب جتك الاساطيـــل @@ جاتك ونفسك لا تزايد بلشـــــــــــــــها

لا تشتكي جور الزمن والبهاذيــــــــل @@ ما دام به زعبي تناوش شوشـــــــــــها

افرح ولا تشكي من الهم والويـــــــل @@ واعرف ترى لك عزوةٍٍ تنتعشـــــــــــها

لك لابةٍ فيها زحول وحلاحيــــــــــــل @@ فرسان ربعك تبطش اللي بطشـــــــــها

زعب هل الطولات زعب هل الخيـــــل @@ لطامة العايل ومنهو نوشـــــــــــــــــ ـها

يشهد لهم تاريخهم والمقابيـــــــــــل @@ كم من قبيلة زاد فيها نعشـــــــــــــــها

تكفى يا بن مدلاج لا تشكي الحيـــل @@ ابشر بفزعات تناوش هوشـــــــــــــــها

ولا نحاس بالك من نجوس ومهابيــــل @@ ال ( ......) نبحه مايروّض وحشـــــــها

الرجل ما يجزع من القال والقيـــــــل @@ الحكي ما ضر العروش وعرشـــــــــــها

اشعيل يبرك للمهمـّـــات والشيــــل @@ ولا همه طيورٍ تنافش ريشـــــــــــــــــ ها

منتا لوحدك يا زعيم المشاكيــــــــل @@ حنا معك يا سعود وادعس حنشــــــــها

وماهي غريبة فيك دحم الرياجيــــل @@ شاعر وتبدع يوم غيرك لكشــــــــــــها

شاعر لمع نجمك كما نجمة سهيــــل @@ وتسخر القيفان ما تبتلشـــــــــــــــ ــها

كفيت ثم وفيت يا شاعر الجيــــــــل @@ رفعت راية زعب في معتلشـــــــــــــها


وسلامتكم ,,,,,,,,,,,,

[عطر المجالس]

صح لسانك ياسعود بن مدلاج قصيده جزله من شاعر جزل

وصح لسان الشاعر الفهد

وصح لسان الشاعر محمد مبارك الوافي

وصح لسان الشاعر محمد فهد الوافي


بدعتوا القيفان فأبدعتوا







اصفق لكم جميعا بحماس وأقف لكم احتراما علي هذه الردود الجزله وتفاعلكم السريع والقياسي مع القصيده رغم قافيتها الصعبه مما يدل على تمنكنم من الشعر

[ناب الذيب]

السلام عليكم

لاهنتوا جميعا على القصائد

والله لايهينك على وضعها بالمنتدى

وجعلكم على القوه

وصح لسان الشعراء

تقبلوا تحياتي

اخوكم:

ناب الذيب

[المعتصم بالله]

صح السان الشعـــــــــــــار :

سعـــود بن مدلاج

الفـهــــــــد

محمد مبارك الوافي

محمد فهد الوافي


والله لايهينكم على هالقصائد الرائعه

[ابوهلا]

مرحبا مليووون ولايكفون هلا بالغالي محمد فهد الوافي


صح لسانك يالقرم





اسلم وسلم

[راعي الصهبا]

اجمل التحيه والسلام لهذا المنتدى العزيز على قلوبنا جميعا بما يزخر به من اعضاء ومشرفين كرام







صح لسانك يا بن مدلاج


طلبت الفزعه ولبوك بني عمك وهذي ماهي بعيده عنهم




قصيدتك جميله جدااا وجزله بما تحمل من معاني :-

وان ماوقفتوا للّيال المقابيل "
" ولاّ ترى كبدي تزايد عطشها


ورد الفهد بكثير من التفسير :-

والرجل يعرف لا نطق للرياجيل "
" ولا قلوب الناس محدٍ فتشها





اما محمد مبارك فقد ابدع حين قال :-

يقطع زمانٍ ذلل الذيـب تذليـل "
" أصبح مع الرعيان يرعى دبشهـا



اما محمد بن فهد الوافي


ابدع بالرد وشدني عندما قال:-

تكفى يا بن مدلاج لا تشكي الحيـــل @@ ابشر بفزعات تناوش هوشـــــــــــــــها



وهذا مو غريب عليكم يازعب






والسلام خير ختام

[مبارك الزعبي]

ابداع


ابداع


ابداع ...



وانتوا سالمين ..... صح لسانكم جميع ... ولاهنتوا ...




تحياتــــــــــي للجميـــــــــــــع ...

[سعود بن مدلاج]

السلام عليكم ورحمه الله وبركاته
مساكم الله بالخيرجميع.......... ..الحقيقه يعجز اللسان من التعبير...وصح الله لسان الاخوان الشعار على قصائدهم الجزله..ونشكر الاخوان الاعضاء والمشرفين..على مشاعرهم الطيبه تجاهي.والحقيقه اني مقصر في المشاركه معكم والسبب من كثرت الضروف ولايفوتني ان اشكر الاخ والزميل الشاعر المعروف عبدالله السلمي والله لا يعدمني وجوده ولا وجودكم جميعا..والسلام عليكم ورحمه الله وبركاته....

[العميد]

السلام عليكم ورحمة الله وبركاته


و صح لسانك يا ابن مدلاج

وصح لسان الشاعر الفهد

وصح لسان الشاعر محمد مبارك الوافي

وصح لسان الشاعر محمد فهد الوافي


ومنتمنى لكم التوفيق بأذن الله تعالي

[ابوطلال الحليو]

صح اللسانكم ياشباب وعساكم على القوه وهذا ليس بغريب على شباب زعب تألق ابداع دائم -----

تقبلوا تحياتي

[الفهد]

السلام عليكم

مشكورين على المتابعه الجيده

وعيدكم مبارك مقدما

[الكاشف]

مرحبا فيك يامبدع

تقبلوا هذين البيتين المتواضعين من اخوكم الكاشف.


ياسعود والله ماهيب نزوة مواويل*****أخاف روحي يستبقها نعشها


زعبي ليا كثرت عليك الولاويل***** يروي نفوس نـ تشتكي من عطشها

وسلامتكم .

[ابو تركي]

السلام عليكم ورحمة الله وبركاته



واسعد الله اوقاتكم بكل خير وموده



الله الله الله الله عليك يابو علي ابدعت

قصيده جزله من شاعر جزل


وابدع بعدك كل من الشعار
فهد غنيم المديبغ
محمد مبارك الوافي
محمد فهد الوافي



وصح الله لساااااااااانكم مليوون ولايكفووون

[راعي الصفرا]

السلام عليكم ورحمة الله وبركاته

اول شي اعذروني حاب ارد على القصيده لأني توني اقراها وارجو العذر والسموحه لأني ماكنت اعلم عنها الا بعد هالوقت وبأعتباري جديد على المنتدى

ولكن يزيدني شرف اني اشارك اخواني الشعار

تحيه كبيره للشعار سعود بن مدلاج وفهد بن غنيم ومحمد مبارك الوافي ومحمد فهد الوافي

ولكل الموجودين

يقول نايف بن عثمان بن سلامه ال رمضان ( راعي الصفرا )


سلام مني للرجال المشاكيل = هاك البيوت اللي جديد نقشها
ابياتك اللي راسخه بالتماثيل = تصوغها بأبداع قافك علـى(اشها)
شاعر كبير وتستحق التباجيل = يعطيك من حلو المثايل رهشها
من يعرف التوراه يفقه بالأنجيل = ومن يزرع البذره يداوي نمشها
اليا اعتزيت نجيك سرب ابابيل = قبيلة (ن) ياسعود محدن ربشها
نصبها صب المزن للهماليل = يوم انتثر في قاعها وانتعشها
صدورنا للموت حمر مداهيل = لاجات من دون الكبود وعطشها
من لااشتهر في فزعته بالتهاويل = يقعد مع اللي كاسيات خششها
يشرب من دلال المذله فناجيل = متسدح بظل البيوت وعششها
ماكل من قال افلحي يامقابيل = يلقى الغناه بطرشته لا طرشها
ابشر بمن لاصيح الليل للويل = يطحن رحاها ويتوسد نعشها
اقولها وانا ولد وافي الكيل = اللي كفوفه بالمعالي حرشها
لا يشحنك تافه يقوّل اقاويل = خله عسى روحه تموت بطفشها


وسلامتكم

وارجو العذر والسموحه منكم

[أبو العز السلمي]

لا يشحنك تافه يقـوّل اقاويـل
خله عسى روحه تموت بطفشها

لقد استمتعت كثيرا بهذا الشعر الممتاز ..

صح اللسان الشعار وخا صة أخي الحبيب راعي الصفرى .

[مبارك الزعبي]

صح لسانك يا راعي الصفرى


ولو انها متأخره




لكن رائعه



اسلم وسلم

[راعي الصفرا]

صح لسانك يا راعي الصفرى


ولو انها متأخره




لكن رائعه



اسلم وسلم




صح بدنك يامبارك ولاهنت

وبالنسبه للتأخير سبق ووضحت الحاله قبل الرد

واذا كان التأخير مايجوز بالردود اتمنى تنشطب مشاركتي وانشالله نعوضكم وابشر يالامير

تحياتي

[ابوهلا]

صح لسانك يا نايف بن عثمان بن سلامه ال رمضان ( راعي الصفرا )



ولاداعي للأعتذار يالقرم انت عضو جديد



كتبت فأبدعت وجاريت فأوفيت



صح لسانك ويسلم بنانك

[راعي الصفرا]

صح بدنك يابو هلا

وابشر باللي تامرون فيه ولاهنتو على المرور

[الفهد]

يامعثـــــــــــــــ ــــــــــــــــــــ م



















ياراعي الصفرى


صح لسانك وكليت علينا الجو

واللـــــــــــــــة لايهينك نيابتن عن اخواني الشعراء والقصيدة وصلت لسعود ابن مدلاج ويبلغلك سلامه وتحياته

[ابن عسكر]

صح الساااانكم ولاهنتو ابن مدلاج والفهد ومحمد مبارك ومحمد فهد على ما ابدعتو به
الله لايهينكم
اما يابن مدلاج قصيدتك تقرقع بالقلب من زمان والله يريحك يوم هليتها والعلم جاك يوم قال الشاعر ابن وافي
ياسعود أنا قبلك لوتبـي بهاذيـل "
" كبدي تقل ذيب المساري نهشهـا
وصح لسان الجميع ولاهنتوا

[ابن عسكر]

صح السااانك ياراعي الصفرى ولاهنت على الرد الجزل
ماقصرتوا وعز الله انكم ابدعتو

[راعي الصفرا]

ابو غنييييييييييييم ياهلا وغلا

العين ماتعلى على الحاجب يالامير
وحنا عيون وانت الحاجب

*

[راعي الصفرا]

لاهنت يابن عسكر وشاكرلك على المرور


وصح بدنك

[سطام]

السلام عليكم و رحمة الله وبركاته

صح لسان الشاعر الكبير :: سعود بن مدلاج الزعبي

وصح لسان الشاعر الكبير :::: فهد بن غنيم الزعبي

ولسان الـــشاعر الكبير ::: محمد مبارك الوافي الزعبي

و 900000000 نعم بالجميع

ولااااهنت يا بن مدلاج على النقل

يعطيك العافيه

تقبل تحياتي

اخــــــــوك :::: سطام خالد الزعبي

[سلطان حبيب]

صح لسانك اخوي سعود المدلاج والشعراء محمد الوافي وفهد الغنيم ابداعاتكم جميله وننتظر الأجمل . اخي سعود مناداتك جعلت الجميع يستجيب بالشعر بالكلام ... الخ هذا طبع ابناء عمك وعادتهم اتمنى للجميع دوام الصحه والعافيه .

[سطام]

السلام عليكم و رحمة الله و بركاته

صح لسان الشعار ::

الشاعر : سعود بن مدلاج الزعبي

الشاعر :: فهد بن غنيم الزعبي

الشاعر :: محمد مبارك الوافي الزعبي

الشاعر :: محمد فهد الوافي الزعبي

ولاهـــــنـــــــتــ ـــواا جمــــــيـــع

تحياتي للجميع :: سطام خالد الزعبي

[سطام]

السلام عليكم .................... .........

اسمحولي يا الربع اذا نسيت احد .

صح لسان الشعار :

الشاعر : سعود بن مدلاج

الشاعر : فهد غنيم الزعبي

الشاعر : محمد فهد الزعبي

الشاعر : محمد مبارك الزعبي

الشاعر : نايف عثمان الزعبي

ولااااهنتوووا جميع

تحياتي لكم : سطام خالد الزعبي

[محمد الجبريني]

السلام عليكم ورحمة الله وبركاته


تحياتي لجميع الأعضاء والمشرفين والمراقبين في منتدانا العامر واعتذر من الجميع عن غيابي وذالك لأنشغالي


واهديلكم هذه القصيده واتمنى ان تنال على اعجابكم




تكفون ياشعارنا نقوة الجيــل "=" أهل البيوت اللي جديد نقشهــا

وش قولكم فمحرفين الأقاويــل "=" ناس مانعرف فرسهــا من حبشهــا

لو أن طعم المرّ مثل الشهاليــل "=" ماكان به نفس تزايد طفشهــا

يامكثر قلوب علينا مغاليــل "=" ســود القلوب اللي تضاحك خششهــا

وشلون تطمعنا قلال المحاصيــل "=" ناس من النعمه تكافخ ريشهـــا

هذا زمان الراس يضحك به الذيـــل "=" وعلى الحصان اليوم يضحك جحشهـــا

نصحت ساري الليل لايسري الليـــل "=" مير الغشيشه زاد فيها غششهــا

ماعاد يبغى العلم نشده وتحليــل"=" ولايشرب الجمــّــه سوى من غبشهـــا

وضحتها للشمس والجدي وسهيـــل "=" وبرق العبي طيرتها من عششهــا

انا لحالي والليال تهاويـــل "=" نوب تناوشني ونوب انتوشهــا

اقارع زحول الرجال الحلاحيـــل"=" اطرد سباع الغاب وادعس حنشهـــا

وان ماوقفتوا للّيال المقابيــل "=" ولاّ ترى كبدي تزايد عطشهــا

هذا كلام الصدق جمله وتفصيـــل "=" يهل البيوت اللي جديد نقشهـــا





وسلامتكم

واسف مره اخري على الأنقطاع


صح السااانك اخوي واستاذي الكبير
سعود بن مدلاج الزعبي جزززل ومتمكن
لاهنت وغني عن الشهاده والتعريف
الله الله
يامكثر قلوب علينا مغاليــل "=" ســود القلوب اللي تضاحك خششهــا

وشلون تطمعنا قلال المحاصيــل "=" ناس من النعمه تكافخ ريشهـــا

هذا زمان الراس يضحك به الذيـــل "=" وعلى الحصان اليوم يضحك جحشهـــا

نصحت ساري الليل لايسري الليـــل "=" مير الغشيشه زاد فيها غششهــا

ماعاد يبغى العلم نشده وتحليــل"=" ولايشرب الجمــّــه سوى من غبشهـــا