مجموعة الغاز

[الثـــلـــجـــي]

السلام عليكم ورحمة الله وبركاته


هذي مجموعة ألغاز للتسلية وتمرين للخلايا الرمادية اللي في الراس


1

بانشدك عن حي على الارض ماداج "="ماداج فيها غير لحظة مماتـــه
أقبل على حي له الحي محتـــــــــاج "="واقبل على المحتاج وانقذ حياته


2

ويش بنت جالسة بحضن ابوها ماتمله "="لو تغيب البنت صارالعود مجهول الهويه
حاضرة كل النهار وغيابه بالليل كلـه "="حاضرة عيد رمضان وغيابه عيد الضحية
3


ويش البنات اللي عددهن فقط خمـــس "="متشابهات كلهن بالاسامـــــــي
الاوله مظهارها يشبه الشمـــــــــــــس "="والثانية كالنور يجلى الظلامي
والثالثة تغني عن الشوف واللمـــــــس "="والرابعة تعشق بليا غرامــــي
والخامسة تطمس ضحى الاوله طمس "="ياوينكم ياهل العقول الفهامــي



وسلامتكم وسلامة قايلينها

[فهد بن سالم]

الله يعطيك العافية يا الثـــلـــجـــي على الالغاز

اما اللغز الاول با افكر في حله الا اذا سبقني احد

وحل الثانية هو حرف النون والبنت هي نقطة النون

وحل اللغز الثالث هي الحواس الخمس

وسلامتك

[الثـــلـــجـــي]

ياهلا والله ياسنايدي
بالنسبة للغز الأول فالله يعينك تدور حله ، وأما الثاني فجوابك صحيح ميه بالمية، وأما الثالث فسماوي، حاول مرة أخرى وشكرا.

ومرة ثانية ، أشكرك على مرورك،،،،،

[فهد بن سالم]

هلا والله يالثلجي

حل اللغز الاول هو كبش سيدنا ابراهيم عليه السلام

[الثـــلـــجـــي]

صحيح صح الله لسانك