قصيده مسنده الى الشاعر شنار الزعبي (ابوهلا)

[الزناد]

[/poet]السلام عليكم ورحمة الله وبركاته :)

هذي القصيده المتواضعه اسندها الى الأخ الشاعر / شنار بن مطلق بن مديبغ الزعبي (ابوهلا)

والحقيقه ان الاخ شنار شاعر متمكن وانا متذوق ومبتديء



يعني مافيه مقارنه :D


لكن حبيت اتعلم منك يا بو هلا ويشرفني ردك ولا تنسى اني مبتديء :D


إليكم القصيده :)


عطنا القلم واكتب على الطرس يا صاح "=" وإمل الورق سدي من اليوم باحي

واكتب وعبّر ما كتم فيض الارواح "=" من واهجٍ بالصدر دخن وفاحي

قم يا نديبي فوق ضافية الاجناح "=" إلى اقلعت بين السماء والفياحي

تلفي شنار اللي على الضيف نطاح "=" مقلط الاكباش هن والمناحي

من لابةٍ يوم اللقاء تهدي الارواح "=" من (زعب) مروين القنا والرماحي

قومٍ تعشق الموت وان صاح صياح "=" حماية الجيره بخشم السلاحي

شنار باح السر ..ثم باح..ثم باح "=" وتجددت بالقلب جل الجراحي

من يوم ودعني هوى بالي وراح "=" وانا عليلٍ بالمرض في مطاحي

امشي واسلي خاطري بضحك ومزاح "=" واخفــّي الدمعه وابيـّن افراحي

قلبي تعذب من هواها ولا ارتاح "=" وما طاب لي عقبه لذيذ المراحي

صارت بفكري كل مسرى ومسراح "=" غابت ولكن ما اطلقت لي سراحي

مدري متى يبعد هواها وينزاح "=" واتوب من صحبة غزال البراحي

شنار كل اسري سبب شمس الاصباح "=" والحل عندك يا حكيمٍ وصاحي


اخوكم/ سعد بن عبدالله بن محمد النتيفي الغانمي الزعبي

[ابو تركي]

صبحك الله بالخير يالزناد




ياسلااامي عليك قصيدة جدا رائعة




ماأعتقد انك مبتدي بل متمكن



امتعتنا بهذه القصيده


ونحن منتظرين الرد من الشاعر المحترم والاخ العزيز شنار المديبغ



وبارك الله لك ياسعد الغانمي على هذه القصيده المسنده على الاخ شنار لنتمتع بروح التفاعل بين الاخوان



تقبل مني فائق الاحترام

اخوك ابو تركي

[ابو فهد]

قصيده رائعه من شاعر متمكن ......


وننتظر الرد من ابو هلا ......

[راعـي الـدهـمـا]

صح لسانك ولا عدمناك

قصيده جميله


مــن لابــةٍ يــوم اللـقـاء تـهـدي الارواح ii" " مـن (زعــب) مـرويـن القـنـا iiوالرمـاحـي

قـومٍ تعـشـق الـمـوت وان صــاح صـيـاح ii" " حـمـايـة الـجـيـره بـخـشـم iiالـسـلاحـي

اخووك

راعي الدهما

[ابوهلا]

الله واكبــــــــــــــــ ـر عليك ياسعد كل هذا وتقول توك مبتدىء ؟؟؟؟؟؟؟؟؟؟:confused:


واللــــــــــــــــ ـــه انك متواضع وانت ورطــتني وبعدين الشباب صدقوا الأشااااااااعه ياخوى من قالك اني شاعر .................|4|



الله يعينا على الرد وانشالله اني اقدر ارد على هالشامخه


وعلى فكرة ترى توني واصل من السفر وتونى اشوفها واسمحلي على التأخير



وابشررررررررررررر بالرررررررررررد ياسنااااااااااااايدي


تقبل تحياتي
اخوك ابوهلااااااااااااااا ااااااااااااااا

[المتروكي]

قصيدة وافيه من شاعر وافي ..

قرينا الاسناد وباقي الرد ..

ناطرين ردك يابوهلا ..

وصح لسانك ولاهنت مرة ثانية ..

مع اطيب تحياتي ..

المتروكي ..

[مبارك الزعبي]

تلفـي شنـار الـلـي عـلـى الضـيـف نـطـاح ii" " مـقـلـط الاكـبــاش هـــن iiوالـمـنـاحـي

مــن لابــةٍ يــوم اللـقـاء تـهــدي الارواح ii" " مــن (زعــب) مـرويـن القـنـا iiوالرمـاحـي

قــومٍ تعـشـق الـمـوت وان صــاح صـيـاح ii" " حـمـايـة الـجـيـره بـخـشـم iiالـسـلاحــي

يستاهل شنار .. والله ونعم


قصيدة جزله من رجال جزل ..
ماشالله هذا وانت مبتدئ .. الله يوفقك ..
وننتظر رد الشاعر شنار بن مطلق .

[الزناد]

ابو تركي

ابو فهد

راعي الدهما

ابو هلا

المتروكي

مبارك الزعبي

صحت ابدانكم جميعاً وحضوركم شرف لي وللقصيده ولاهنتوا على الردود

وسلامة الاسفار يا بوهلا

انا اللي اقول انك شاعر :D


وانا تلميذ من تلاميذك :)




دمتم لنا جميعاً ودام لنا وجودكم

اخوكم سعد

[ابوهلا]

الله يسلمك يالغالي


والعين ماتعلا على الحاجب




وباقى اللمسات الاخيرة ويجيك الرد ياسنايدي.






تقبل تحياتي
اخوك ابوهلااااااااااااا

[admin]

بسم الله الرحمن الرحيم

صح السانك اخوي الزناد...وبيض الله وجهك.
السلام عليكم

ما قصرت اخوي وبصراحه المعنى غزير والاحساس مرهف حتى في المدح.
حياك الله اخوي ، والنعم فيك وفي ابو هلا. والقادم من المعارك احلى.

اخوكم
الجار

موضوع اخوي شنار (ابو هلا ) ورده على اخوي الزناد هنا:

http://www.zaub.com/vb/showthread.php?threa did=185

[ابوهلا]

ماقصرت يالجار دايم سابقنا بالطيب



تسلم


اخوك ابوهلااااااااااااا

[الزناد]

عليكم السلام

صح بدنك يا مشرفنا ونعم بحالك

اشكرك على حضورك وتعقيبك واشارتك الى رد الاخ شنار

دمت لنا عزيزاً غالياً ودام لنا وجودك ويا أهلا بك :)