منــبع غرامي

[محمد الهميم]

[ السلام عليكم]
هذي اخر قصيده كتبتها وانشاء الله انها تعجبكــ ـ ـ ـ ـ ـم



ابتدي باللي خلق هالكون سبحانــــه
اللي رفع سبع السماوات عالـــــي
ابروي قصة غرامي مع حياتي فلانــــــه
من غلاها من حلاها جاني هبالــــي
فيها دلع فيها حلا يا ناس فتانــــــه
الله و هبها لي و عطاهـا الجمالــــي
هي سر حبي غناتي أعز انسانــــــه
منبع غرامي تشعل الحب إشعالــــي
هي روح محمد يمين القلب و أعوانــــــه
شمعة حبي لا يابعد عمي و خالـــــي
هي روح شعري وابياته مع الحــــــانه
هي المعنى مع الكلمه و راس مالـــــي
هي ورود عمري وأزهاره مع أغصــــانه
هي غصـون المحبه و الفرح بظلالـــــي
هي من سكن قلبي وعاش بوسط أحضانه
فرشت اهداب عيني له قبل همي وغربالي
لاغاب عني حبيبي يضيع القلب عنـــوانه
و لامن حضر انسى البشر و كل غالـــي

وســــــــــلامتكـــ ــــــم]

[البحيري]

وعليكم السلام ورحمة الله وبركاته

صح لسانك يا بو عبدالله.

أحسنت يا محمد ، هذا أقل شئ ممكن نسويه لأغلى إنسانة عندنا وهي الأم ، وهي أحق الناس بحسن صحبتنا كما ورد ذلك في الحديث الشريف.

تقبل تحياتي

[محمد الهميم]

صح بدنــــك

لكن القصيده هذي مو في أمي
قصيده غزليه
وشاكر لك على القراءه

[البحيري]

اسمح لي ، اعتقدت من القراءة انها الوالدة ، وخصوصا هذا البيت

هي روح محمد يمين القلب و أعوانــــــه
شمعة حبي لا يابعد عمي و خالـــــي


ملاحظة : حرام عليك هذا التوقيع ، تبي تهدم بيوت الناس.

تقبل تحياتي.

[محمد الهميم]

مشكووووووور على الملاحظه
وهذا انا غيرت توقيعي

ويعطيك العافيه يالبحيري على الملاحظه

[البحيري]

السلام عليكم ورحمة الله وبركاته

جزاك الله خير يا بو عبدالله على تقبل النصيحة وعلى تغيير توقيعك ، وكما قال النبي صلى الله عليه وسلم : ( الدين النصيحة )

نبي منك قصيدة عن الأم :D


تقبل تحياتي

[محمد الهميم]

وعليكــــــــم السلام يامرحباا والله

المشاركة الجايه يالبحيري ابي اكتب قصيدة الام


تبي قصيده غير الأم ؟؟؟|11|

[محمد الهميم]

في أبيات ناقصه والقصيده معكوسه

راح أعدلها انشاء الله واسمحولي على هذا الغلط