(( من تتـــوقــع بطــل خليجي 16 ))

[عبدالعزيز]

السلام عليكم ورحمة الله وبركات ,,





اولاً اتقدم بتحياتي لكم جميعاً واسعد الله جميع اوقاتكم بالمسرات والرضاء من الله انشاء عز وجل ..




اتمنى كل شخص منكم يسجل توقعه بدورة الخليج وان كان بعضكم مالهم برياضه مو مشكله يحط توقعه على حسب معلومته ولو كانت بسيطه ..



وانا شخصياً اتوقـــع الكـــــــأس من نصيب منتخب :



البحــــــــــرين


لان اخر مستوى ظهر فيه كان ُمشرف والمنتخب البحريني يضم عناصر جيده ..





ناطرين توقعاتكم انشاءالله ..












تقبلو فائق الاحترام والتقدير ,,

[بدر الحزام]

بسم الله الرحمن الرحيم
السلام عليكم ورحمة الله وبركاته


شكرا اخي ابو سعود

صحيح اني مالي شي بالكورة ولا افهم فيها الا القليل لكن انا اتمنى ان الكاس يصير مشترك بينهم واذا ما صار طبعا اختار



الكويت


تقبل تحياتي

[البحيري]

وعليكم السلام ورحمة الله وبركاته

أشكر أخوي أبو سعود على طرح أول موضوع رياضي بالمنتدى.

طبعا التوقع غير التمني.

أتوقع المنتخب السعودي خصوصا بعد فوزه أمس على الإمارات ، ولكن أتمنى فوز المنتخب الكويتي. (الخلاف لا يفسد للود قضية).

تقبلوا تحياتي.

سعــــــــــود ( أبو مطلق )

[ابوهلا]

السلام عليكم ورحمة الله وبركاته

مشاركه جميله يابو سعود وانا كنت افكر فى اضافة منتدى للرياضه وكنت متردد وهذي فرصه عشان اخذ رايكم


وعموما انا اتوقع ان بطل هذه الدوره المنتخب السعودي


مع اني اتمنى ان المنتخب الكويتي يفوز لاكن مستواه في المباراة الاولي يخوف:(


تحياتي للجميع

[أخو وضحى]

مرحبا يابو سعود موضوع ممتاز


ولكن البطوله سعوديه سواء توقعتوا كذا ولا لا:cool:

وياطيبنا اذا خلينا الكويت المركز الثاني :D


تحياتي

[بدر الحزام]

السلام عليكم ورحمة الله وبركاته

مشكورين على المشاركة بس انا صراحة بطلع براي مختلف عنكم كلكم


انا اتوقع ان البطوله يمنية مية بالمية شرايكم :D

[عبدالعزيز]

اخـــــــــــــــو وضحـــــــــــى الصراحه مانبي نرد اضيوفنا زعلانين


والكويت متعمده اتخسر علشان تعطي مجال الغيرها ملينا يخوك من الكاس :D


مشروعنا كاس العالم |4|


<<---------------------< يولد كنها قويه اشوي كاس العالم



والله بيني وبينكم عمان بدت ادش جو المنافسه |4|

[أخو وضحى]

هلاااا والله بالشبـــــاب ..


بيني وبينكم مباراة يوم الأحد بطولة لحالها وان خسرت السعودية ولا تعادلت قدام الكويت أقول قدامكم جعل السعودية ماعاد تفوز بالكاس وباشجع الكويــــت معكــــم...

[بدر الحزام]

السلام عليكم ورحمة الله وبركاته


اخو وضحى شكلك بتوهق واتفووز الكويت ثم يا اتشجع الكويت يا اتشجع الكويت :D



بالنسبة لي ما فرقت لاني مو راعي كورة بس لون فاينل المنتخب الكويتي عاجبني ولكذا بشجعهم .

[أخو وضحى]

ثقتنا يابدر في منتخبنا كبيرة |12|..

ومباريات الكويت لها طعم خاص مثل الهلال والنصر عندنا والعربي والقادسية عندكم..


بس تأكدوا ان البطولة سعودية:cool:

[البحيري]

السلام عليكم ورحمة الله وبركاته

العزيز / أخو وضحى

تعادلت الكويت مع السعودية 1/1

بس السعودية واصلت طريقها وفازت على عمان أمس ، نقدر نقول إن السعودية فازت بالدورة.

أأأأأأأألف مبروك

[سعود العوينان]

السلام عليكم ورحمة الله وبركاته
]يالربع ترى قدامكم اليمن ويمكن تسوي العجب وبعدين لاتنسون البطوله مابعد انتهت

انا اتمنى البطوله بحرينيه صراحه لان فوز السعوديه فيها هاذي المره ماله طعم
وعلشان تحتدم المنافسه بين اربع فرق في البطوله القادمه[/COLOR]





الجوال

[البحيري]

الجوال بصراحة أنت غريب ، أنت سعودي وتتمنى إن السعودية تخسر وقدام منو ، أضعف منتخب بالدورة.

[أخو وضحى]

تعادلنا قدام الكويت اعتبره خسارة:mad:

وخلاص انا باشيل يدي من تشجيع السعودية وباشجع البحرين مع الجوال:D

[سعود العوينان]

البحيري انا سعودي صح بس مارضى انا ناخذ الكاس بدون جداره والبطوله لو تلاحظها من البدايه الى الان ولا فريق قدم مباراه بالمستوى الفني المعروف عنه سوى البحرين وعمان لانهم لم يحضروا الى الكويت الا لتحقيق الهدف وهو الفوز بكاس الخليج .لانهما الفريقان الوحيدان اللذان ليس لهم عذر في اهدار هذه الفرصه .فالكويت حصل عليها اكثر من مره وكذالك السعوديه وقطر مره واحده واليمن مازال جديد على هذه البطوله.






الجوال

[البحيري]

الجوال ، بصراحة الدورة هذي أسوأ دورات الخليج ، وأنا أؤيدك بخصوص المنتخب البحريني والعماني ، لأنهم أفضل من قدم مستوى بالدورة .

وأمنيتك بعدم فوز السعودية دليل حبك للمنتخب السعودي ، لأنك لا ترضى بالمستوى الضعيف ، وكما قيل المنتخب السعودي أفضل السيئين.

وأسوأ فريق فهو المنتخب الكويتي ( للأسف الشديد ).


تقبل تحياتي

[بدر الحزام]

السلام عليكم ورحمة الله وبركاته

صح لسانك اخوي البحيري هالدورة هذي اسوأ دورات الخليج كلها وما شفنا لعب جيد من الجميع وخصوصا منتخب الكويت ومنتخب السعودية عمالقة الخليج .


على العموم مبروك للفائز وحظ اوفر للخاسران .


والكاس جيتهم لنا والكل رابح انشاء الله